L’impat de bande largje su lis areis internis disvantazadis

Ristret

Chest contribût al è une sintesi de tesi di dotorât di ricercje dal autôr su la resinte evoluzion de bande largje. Il studi al è basât suntune indagjin su la situazion sociâl e economiche des areis internis e disvantazadis, o areis rurâls, e la impuartance de conetivitât a bande largje. La tesi e je: ogni teritori li che si invistìs metint la bande largje al cambie e si svilupe in gnovis dimensions. Une schirie di putrops struments o svicinaments ae cuistion e je stade adotade tant che metodi par selezionâ e valutâ l’impat de bande largje su lis areis internis disvantazadis. I struments principâi a son: il concet di sostituzion di Isard, la produzion dal spazi di Lefebvre, la etiche di internet e il cicli di Gartner Hype. Al è duncje pussibil confrontâ lis areis, o teritoris rurâls, cun o cence bande largje, viodint i lôr compuartaments, e considerant ancje i prejudizis indusûts de propagande economiche.