I imprenditôrs sucessôrs sono mancul sodisfats dai imprenditôrs fondadôrs?

Ristret

Un numar simpri plui grant di ricercjis al met a confront la sodisfazion professionâl dai lavoradôrs dipendents cun chê dai lavoradôrs autonoms. Pe prime volte, o vin puartât indenant un studi esploratîf par confrontâ i nivei e i fatôrs clâf da la sodisfazion lavorative dai imprenditôrs fondadôrs e sucessôrs, ven a stâi che o vin metût a confront i imprenditôrs che a direzin la imprese che a àn fondât e i imprenditôrs che a vuidin une imprese ereditade de famee. O concetualizìn il leam jenfri la cundizion di fondadôr o sucessôr e la sodisfazion professionâl fasint jeve su la nozion di utilitât procedurâl, che e fâs riferiment ae gratificazion che i individuis a sintin intal procès di puartâ indenant un compit. Fasint riferiment a la nozion di podê discrezionâl de post sucession, o sostignìn che, tal câs dai sucessôrs, il contest sociâl e organizatîf des impresis di famee al è mancul favorevul ae utilitât procedurâl.