Scuvierte serendipitôse di une code mareâl in NGC632

Ristret

Intant che o cirivin un êc di lûs te Supergnove di classe Ia SN1998es in NGC632, o vin scuvierzude une code mareâl un grum debile, lungje almancul 50 kpc. Cheste scuvierte, insiemit ae presince di un fuart starburst intal nucli, la forme pluitost scuadrade des isofotis e il lôr svirgulament, nus disin che ce che o viodin in NGC632 al è il risultât di un incuintri fra galassiis. NGC632 e jere stade classificade come une S0, mentri che lis imagjins profondis che o presentìn in chest articul a mostrin un grum clarementri la presince di braçs di spirâl e di grops pluitost blu, che a vegnin a proietâsi juste parsore. Probabilmentri si trate di lûcs di formazion stelâr, che e je stade stiçade de fusion fra lis dôs galassiis. Par finî, o discutìn lis osservazions che a bisugnarès fâ par clarî lis cuistions ancjemò viertis.