Osservazion positive de ocultazion asteroidâl de bande dal planetin 209 Dido ai 10 di Març dal 2005

Abstract

Si ripuarte la metodologjie osservative, la racuelte dai dâts e la lôr elaborazion relativementri ae ocultazion asteroidâl de bande dal planetin 209 Dido, regjistrade positivementri tal Osservatori “Mandi” di Pagnà ai 10 di Març dal 2005. La osservazion e je stade fate intal ambit di un program european gjestît dal EAON (European Asteroidal Occultation Network) che al à la finalitât di incressi e miorâ lis cognossincis su la forme di chescj ogjets e des lôr orbitis. Tai câs plui fortunâts (no in chest) al è stât ancje pussibil scuvierzi la presince di ogjets minôrs che a zirin ator dal asteroit principâl, e che no si cognosseve prime.