Perusini, Alzheimer e i prins câs di une gnove malatie da la scusse cerebrâl

Abstract

Il grant disvilup dai studis di neuropatologjie intai agns a cjaval dai ultins doi secui al è stât determinant intal dâ une definizion ancje anatomopatologjiche a lis variis formis di demencis. Un contribût primari par chestis cognossincis al è vignût dal neuropatolic Gaetano Perusini. G.P. al nas a Udin il 24.02.1879 intune famee nobiliâr, siore e colte. Al fâs i studis di liceu a Udin, chei universitariis a Pise e a Rome. Al studie cun Mingazzini, al frecuente Schmaus e Von Monakov e tal 1906 al va a München te cliniche di Kraepelin dulà che al lavore l’Alzheimer. Culì al scrîf i lavôrs che a daran un contribût determinant a la definizion de demence. G.P. al mûr a Cormons il 08.12.1915, cualci dì daspò jessi stât ferît intant che eroichementri al puartave jutori ai ferîts inte prime linie a S. Florean dai Cuêi.