Storie curte dal concet di educazion linguistiche in Italie

Abstract

Il concet di “educazion linguistiche” al è un dai concets fondamentâi de linguistiche educative taliane. Nassût tal ambit culturâl educatîf e linguistic talian un secul e mieç indaûr e definît, come che lu cognossìn cumò, a tacâ dai agns Sessante e Setante dal secul passât, te sô acezion plui largje al definìs un procès che al cjape dentri l’insegnament/aprendiment dal talian lenghe di scolarizazion, des lenghis minoritariis, des lenghis forestis, classichis e etnichis. In chest contribût, si intint dâ dongje une storie curte de evoluzion dal concet di educazion linguistiche in Italie intal ultin secul e mieç e meti in lûs cemût che, tal timp, chest concet al è stât definît par mieç di riflessions teorichis, pedagogjichis, didatichis e linguistichis, che dispès a àn anticipât i timps e proponût visions de educazion linguistiche une vore atuâls