Il parametri EOX te caraterizazion dai pantans di depurazion in Friûl Vignesie Julie

Abstract

Lis aghis di scoladure causionadis dai scarics dai implants di depurazion (WWTPs) a àn sustât une vore di interès par vie dal lôr potenziâl sedi tal incressi lis proprietâts dal teren, sedi te provision di fatôrs alimentârs impuartants e di integradôrs di oligoelements essenziâi pe cressite des plantis. In agriculture bisugne valutâ ben il risi incuinant di ognidun di chescj pantans di scaric, par vie des carateristichis diferentis dai detrîts che a subissin diviers nivei di tratament, e che cun di plui a àn une puartade e un impat incuinant diferent tes aghis di scoladure. Lis aghis di scaric produsudis dai implants di depurazion de regjon Friûl Vignesie Julie a son stadis analizadis di mût di valutâ la concentrazion di sostancis alogjenis estraibilis (EOX). L’acetât etîl e il n-esan a son stâts doprâts tant che solvents di estrazion e i valôrs EOX a son stâts cjatâts fûr in maniere coulometriche e po dopo comparâts rispiet al potenziâl dai solvents e ae grandece dai WWTPs. Par ogni campion, il risultât al à mostrât che l’acetât etîl al è il solvent plui adat pe determinazion dai EOX. Al è saltât fûr che lis aghis di refudum dai piçui WWTPS a son chês plui indicadis pal ûs agricul par vie de lôr concentrazion basse di EOX