Turisim gastronomic inte ete de globalizazion culturâl

Abstract

In dì di vuê, il fenomen de globalizazion al à influençât cetancj aspiets de vite umane, tant che la produzion e il consum alimentâr. Cul cjapâ braç de omogjeneizazion dai mûts di cusinâ e dai savôrs vie pes nazions, la ricercje di mangjâ autentic e je daûr a deventâ un fatôr di ponte intal turisim internazionâl. L’obietîf di chest scandai al è chel di analizâ cemût che la globalizazion e à contribuît al disvilup dal turisim gastronomic, ancje midiant de analisi dal profîl dai turiscj gastronomics e dal rûl zuiât dal mangjâ dal puest intal atrat des destinazions. I dâts a son stâts cjapâts sù midiant di un cuistionari che al è stât presentât ai clients di cinc ristorants diviers. I risultâts a àn metût in lûs il contribût impuartant de globalizazion intal disvilup dal turisim gastronomic e la nature in cressite di chest fenomen, stant che a identifichin il mangjâ dal puest e la sô autenticitât tant che un element impuartant pal atrat turistic, che al rive a modificâ la imagjin di destinazion dai visitadôrs. In gracie di une cluster analysis si à ancje rivât a identificâ il segment dal marcjât dai lecardins tal Nordest di Italie. La ricercje e zove a insiorâ inmò di plui il cuadri teoretic esistent, dant ancje une panoramiche gjenerâl de corelazion jenfri globalizazion, turisim gastronomic e autenticitât.