Dinamichis de feconditât in provincie di Udin

Abstract

Daspò tredis agns de ricercje Venus su la diminuzion de feconditât in diferents contescj gjeografics nazionâi, cun cheste analisi si vûl tornâ a cjapâ in man il studi des dinamichis spaziâls e temporâls des principâls misuris demografichis tal contest de provincie di Udin. Cjalant cun atenzion l’andament dal tas di feconditât e de etât medie al part tai ultins 40 agns, ancje diferenziât su la fonde de citadinance des feminis, intun cu la osservazion dal tas di increment de popolazion 2012-17 e dal tas di natalitât 2016, a puartin, magari cussì no, a no confermâ la riprese de feconditât che e jere risultade in chê volte. Il sburt iniziâl, dât dal contribût de popolazion foreste al pâr scancelâsi vie pal timp insiemi a un câl plui marcjât de feconditât pes feminis forestis. No cate la eterogjeneitât dal tas di increment par an de popolazion sul teritori provinciâl, a pro dai comuns plui popolâts, la feconditât e mostre un câl avonde omogjeni a nivel teritoriâl e che al somearès confermât tes prospetivis.