La analisi des previsions di temporâi te planure dal Friûl-Vignesie Julie

Abstract

In chest lavôr a son stadis analizadis cuatri anadis di previsions ogjetivis e sogjetivis di temporâi su la planure dal Friûl. La analisi e je stade fate doprant i comuns atribûts che a vegnin de tabele di contingjence, ven a stâi la probabilitât di cjapâ la prevision (POD), la frazion di fals alarms (FAR), la frazion di dutis lis previsions cjapadis (HR) e ancje indiçs plui sofisticâts come il livel di braure di Heidke (HSS). In plui, dome pes previsions sogjetivis, e je stade adotade la vie de analisi des categoriis cul Brier Skill Score (BS). I risultâts a mostrin che lis previsions ogjetivis a àn un POD plui alt des previsions sogjetivis, ma purtrop ancje un FAR plui alt. Chest al risulte intun HR cuasi compagn par dutis e dôs lis sortis di previsions, ma in gjenerâl lis previsions sogjetivis a risultin lis miôr. Chest compuartament speculâr des previsions ogjetivis e sogjetivis al sugjerìs di doprâlis dutis e dôs metintlis insiemit tes previsions dal timp operativis emetudis ogni dì dal Osservatori Meteorologjic dal ARPA-FVG in mût di otignî un prodot miôr. Il BS calcolât pes previsions sogjetivis al mostre il feed-back positîf che s’ind à vût par mieç di cheste analisi, puartade indenant ogni an dai autôrs. Soredut lis previsions sogjetivis dal ultin an a son deventadis une vore plui calibradis.