Zovins e mangjâ biologjic. Consumadôrs cussients o responsabii?

Abstract

Il fin di chest studi al è di scandaiâ la cognossince e il compuartament di consum de gjenerazion Y – ven a stâi la gjenerazion nassude dentri dai agns 1980 e 2000 e i fîs dai baby boomers – tai confronts dai aliments biologjics impachetâts. La ricercje e met in relazion lis carateristichis socioeconomichis dai zovins consumadôrs e il lôr compuartament di consum. O vin metût in vore un sondaç cuntun cuistionari che al è stât dât fûr a 1,155 zovins students tra i 16 e i 25 agns inte Regjon Friûl Vignesie Julie. I risultâts a mostrin che lis carateristichis socioeconomichis no influissin sui consums de gjenerazion Y, salacor par colpe de scjarse cognossince in rivuart al mangjâ biologjic