Tratament anaerobic UASB e riûs de FORSU: potenzialitât dal câs di Tumieç

Abstract

Te leterature sientifiche, simpri plui interès al ven dedicât ai procès anaerobics; in particolâr, reatôrs a alte velocitât, come par esempli il UASB (acronim di Up-Flow Anaerobic Sludge Blanket) a permetin di ridusi il timp di ritenzion idrauliche domandât e di otimizâ la produzion di biogas. Cheste tipologjie di reatôr e je indicade pal tratament di refluis une vore concentrâts, dulà che la frazion solubile e je plui grande di chê sospindude. In chest câs, il procès anaerobic al è in grât di otignî une eficience elevade, in tiermins di abatiment dal COD, cun pocje richieste di energjie, se comparât a un procès tradizionâl a pantans atîfs. Chest lavôr al è focalizât sul implant di depurazion di Tumieç, parcè che al conten un reatôr UASB, fer dal 2007, e duncje al è potenzialmentri une font di energjie nete. Si è pensât di alimentâ il reatôr cu la frazion licuide de frazion organiche des scovacis (denominade FORSU), tirade sù te zone gjeografiche locâl, intant che la frazion solide, residue dal procès di separazion, e je adate a sei mandade a un implant di compostazion