Implants in codigjestion anaerobiche: un câs di studi te Province di Udin

Abstract

 Al dì di vuê, un obietîf impuartant in ambit energjetic al è chel di sburtâ un progrès sostignibil che si fondi sul contigniment dal impat negatîf des ativitâts umanis sul ambient. In chest sens al è un fuart interès tai confronts des risorsis energjetichis alternativis, des pratichis di riûs dai materiâi considerâts refudums e de riduzion des emissions di gas incuinants. Al è ta cheste otiche che si fevele di codigjestion anaerobiche, ven a dî la digjestion anaerobiche di plui tipologjiis di materiis (in chest câs si fevele di substrâts). Il studi presentât al analize un teritori che al è stât selezionât cul intent di planificâ doi implants di tratament in codigjestion par dôs cualitâts di substrâts: i pantans di depurazion e la frazion organiche dai refudons solits urbans.