Un coredôr idric tecnologjic

Abstract

Autovie Venete e à prontât, cuntune progjetazion interne, un plan di monitoraç dal stât di funzionament dal sisteme di purificazion des aghis autostradâls dilunc de autostrade A28 Puart-Conean. Realizât sul imprin tal lot 28 (di Sacîl a Godega di Sant’Urbano), il sisteme di depurazion e monitoraç al è stât slargjât plui indevant ancje al lot 29 (di Godega di Sant’Urbano ae conession cu la A27 a Conean). Svilupât par intîr dal grup inzegneristic “Progjetazion Implants Tecnologjics” di Autovie Venete, il progjet al à puartât vie un an di lavôr e al à compuartât un investiment di cirche € 650.000. Il progjet al è interessant ancje pal fat che suntune rêt cussì potente al è pussibil insedâ dispositîfs ulteriôrs cence intervignî su la architeture dal sisteme.