Cemût citâ
Ristret
La ricjece dai Paîs industrializâts e je leade une vore a strent a un consum di energjie straordenari. Chest fat al è considerât, di bande di chei che a controlin i flus finanziaris, tant che un sempliç detai de dotrine di cressite prevalente, part ad in plen di une tipologjie di societât che si à di mantignî a ogni cost. Di chê altre bande al è un numar simpri plui grant di osservadôrs che a considerin cheste situazion tant che temporanie e, ce plui ce mancul, vicine al colàs. E je une crevadure profonde che no podarà mai jessi comedade di une analisi academiche specializade. Chest volum si propon di presentâ un cuadri sinotic e interdissiplinari de cuistion, metint in evidence la interazion tra storie e tecnologjie – doprant duncje i lengaçs de fisiche e de biologjie – vâl a dî il tiessût dal progredî de vite reâl. I argoments a vegnin frontâts a nivel di une discussion academiche di base, e duncje a podaran someâ masse facii o dificii a seconde de preparazion specifiche dal letôr. Ma nol è nuie altri ce fâ: si pues fâ un sfuarç par capî ce che nol è familiâr, o ben restâ impaltanâts te insigurece dai diviers dogmatisims.