Misuris dal cjamp eletric de Tiere fatis a nivel dal teren

Ristret

Chest lavôr al fronte la descrizion e la interpretazion fisiche dal cjamp eletric de Tiere disore de planure dal Friûl. Il cjamp eletric al ven misurât cuntun mulignel di cjamp metût a Zerà (UD). Il mulignel di cjamp al regjistre i cambiaments dal cjamp eletric ogni secont, sedi in condizions di biel timp che di burlaç. In condizions di biel timp il cjamp eletric de Tiere al ponte bande jù e al à valôrs dal ordin di 100 Vm-1. In condizions di burlaç il cjamp eletric de Tiere al cres daurman e si an des sveltis inversions cuant che si verifichin discjariis eletrichis. Dopo chestis discjariis il cjamp eletric al torne ai valôrs di prime, ma seont manieris diferentis che no son stadis ancjemò interpretadis in maniere esaustive. A la fin dal burlaç si pues viodi un andament tipic che al pues jessi interpretât cul sempliç model dal tripòli. Dutis chestis osservazions a vegnin analizadis tal articul, insieme ai dâts radar, in particolâr doprant lis misuris dal VMI e insieme a lis misuris relativis a la posizion dai tarlups nûl-tiere.