Riduzion dal riscli causât dai slacs di cret doprant une gnove tecniche probabilistiche, inte zone dal lâc di Cjavaç

Ristret

Chest studi al trate dal progjet di intervent cuintri i slacs di cret par mieç di une gnove tecniche inzegneristiche, clamade RDBD (Rockfall Defensive Barrier Design), che e proviôt une analisi probabilistiche sedi inte simulazion matematiche de calade dai claps, sedi intal seguitîf dimensionament dai intervents di difese. L’aspiet inovatîf de operazion al consist te assunzion di parametris probabilistics, clamâts Safety Levels, dilunc dut il disvilup dal progjet, in alternative a chel che a si use fâ di solit in chest setôr de inzegnerie gjeotecniche. Fasint cussì al somearès pussibil di calibrâ pas dopo pas il sisteme di difese che miôr si adate al livel di sigurece necessari al senari naturâl e antropic esaminât.