Lis minorancis linguistichis e il mandât de Universitât dal Friûl

Ristret

Il probleme de tutele dai dirits dai citadins di mantignî, valorizâ e svilupâ lis lôr lenghis nativis o aloglotis che si cjatin par solit in cundizion di lenghis minorizadis al reste in Italie ancjemò une cuistion ignorade o frontade cun pôc interès. La cussience dai dirits di mantignî e svilupâ la diversitât etniche e linguistiche dal nestri paîs e dal nestri teritori no je di fat preseade in maniere juste ni de bande de publiche opinion, ni dai mieçs di informazion e di comunicazion e, magari cussì no, e ven considerade pôc impuartante ancje tal cjamp dai studis e de ricercje. La analisi ufierte in chest contribût, daspò di vê ricuardât la presince di cetantis lenghis in Italie e in Friûl, e cjape in considerazion, in maniere schematiche, il contribût che la Universitât dal Friûl, nassude daspò dal teremot dal 1976, cul “obietîf di contribuî al progrès civîl, sociâl e ae rinassite economiche dal Friûl e di deventâ strument organic di disvilup e di rinovament dai filons origjinâi de culture, de lenghe, des tradizions e de storie dal Friûl”, e je rivade a ufrî, tai cuasi cuatri decenis de sô esistence, intal cjamp dai aprendiments e dai insegnaments linguistics e des lenghis minoritariis in particolâr. In conclusion, si fermisi su lis prospetivis di disvilup e su la impuartance des lenghis minoritariis par une educazion linguistiche plurilengâl