Paiaressistu par ridusi l’impat ambientâl dal sisteme di riscjaldament de cjase? Une indagjin tal Comun di Tavagnà

Ristret

L’obietîf di chest lavôr, dividût in cuatri cjapitui, al è di identificâ il rûl des fonts di energjie rinovabile e, in particolâr, des biomassis, par fâ cuintri al cambiament dal clime cun azions e strategjiis indreçadis a doprâ la cussì clamade economie a basse emission di carboni basade su la eficience de energjie. Par cheste finalitât al è stât fat un studi di câs tal Comun di Tavagnà jenfri un campion di residents intal teritori par investigâ la lôr cognossince e il lôr ategjament tai confronts di chest argoment. Doprant un Esperiment di Sielte (ES), a son stadis studiadis lis lôr preferencis e la lôr disponibilitât a paiâ (DAP) pal sisteme di riscjaldament domestic cussì di jessi in stât di indicâ lis potenziâls fonts di energjie che a rispietin l’ambient (p.e. biomassis).