I incidents in Friûl Vignesie Julie: dai ex voto aes statistichis di vuê

Ristret

Il tiermin ex voto al ven dal latin ex voto suscepto, vâl a dî daûr la promesse fate e tancj di chescj ex-voto a son in relazion cu la salût de int o cun incidents capitâts, e dispès la gracie vude e je in riferiment a la malatie o al incident. Par fâ une statistiche, a son stâts cjapâts i ex voto prin dal 1950 e daspò i dâts dal INAIL o di altris fonts di statistichis par confrontâju. Dal lavôr burît fûr di cheste ricercje si à podût viodi che i ex voto a son in relazion soredut cui incidents che une volte a capitavin in cjase, sul lavôr te braide o tal fâ sù lis cjasis. Cun di plui, par mieç dai ex voto si viôt la evoluzion tal timp di chescj incidents fintremai a rivâ al dì di vuê. Si viôt ancje cemût che cualchi modalitât di chescj incidents no je cambiade, vâl a dî, il colâ dal alt par esempli e je simpri stade une cause di incidents un grum grâfs o mortâi, une volte come cumò, e tai ex voto si viôt la rapresentazion realistiche di chest