Sui insiums di Aelius Aristides: une analisi neuropsicologjiche dai Discors Sacris

Ristret

I Discors Sacris a son une sorte di diari dal famôs oratôr grêc Aelius Aristides (117-181 d.C.). Fin cumò a son stadis proponudis une vore di interpretazions di tipologjie psicopatologjiche sui insiums di Aelius Aristides. Invezit, in chest lavôr o vin cirût di analizâ la forme dai insiums di Aristides. Intant che i contignûts dal insium nus judin a capî la psicologjie personâl dal autôr, la forme e je plui leade a la struture neurobiologjiche dai insiums. Duncje, lis carateristichis fenomenologjichis (visions onirichis, strambetâts, ilusions) nus judin a ricognossi une esperience oniriche autentiche. Cussì in chest lavôr si à cirût di analizâ lis contis di Aristides par decidi se si tratave di esperiencis autentichis di insiums o finzions leterariis. Cun di plui, i insiums di Aristides a son stâts comparâts cun chei che si cjatin inte Iliade, che a son stâts clamâts “insiums obietîfs” e che a presentin une fenomenologjie dal dut particolâr. Ad ogni mût sei i insiums che si cjatin intai Discors Sacris, sei chei de Iliade a mostrin la impuartance straordenarie dai insiums intes culturis antighis e in chê greghe in particolâr