Viers une terminologjie furlane pes voris fuartificadis

Ristret

Il patrimoni architetonic fuartificât al rapresente une componente impuartante de realtât culturâl di une regjon di cunfin come chê furlane. Lis voris fuartificadis a àn pierdût ogni funzion se no chê di testemoneance di un moment storic significatîf cuant che il Friûl e la sô lenghe a si son formâts sot la vuide de Glesie di Aquilee. I cjiscjei de Ete di Mieç a son ben visibii su lis culinis o sul plan, ma dai elements che ju componin si è pierdude la maniere di nomenâju in lenghe furlane, e par dâur un non no reste che ricori ai tiermins de lenghe taliane. In chest lavôr si à cirût di viodi come dai elements dai archivis, de leteradure e de toponomastiche al è pussibil ricostruî un corpus terminologjic che al podedi jessi doprât tai libris di scuele, te cartelonistiche, tes publicazions di ilustrazion de storie e des bielecis de nestre tiere in lenghe furlane.