Peraulis clâf
- Intensitât de radiazion solâr, prestazion (eficience), potence nominâl, modui FV plans, cilindris F
Cemût citâ
Ristret
La misure de intensitât de radiazion solâr e je une des misuris ambientâls finalizade ae verifiche de prestazion (eficience) intun implant fotovoltaic (FV). La procedure e fâs part de pratiche aministrative pe concession dal incentîf dal GSE (Gjestôr dai Servizis Eletrics) e in plui e je conseade al progjetist a com- pletament de declarazion di conformitât. Par solit, intai implants FV costruîts cun modui FV plans, cheste misure e ven elaborade in maniere automatiche. La strumentazion eletroniche – daspò vê inserît a man la potence nominâl dal im- plant e acuisidis lis misuris ambientâls e eletrichis dai sensôrs e sondis – e calco- le se la conversion de potence radiant dal soreli in potence eletriche (lât conti- nue) e chê di continue in alternade (lât alternade) a superin i valôrs minims fis- sâts de norme CEI. La misure de intensitât di radiazion su modui FV a cilindris no pues jessi misurade daûr des indicazions de norme CEI EN/IEC 61646 (re- cepide te CEI 82-25) scrite pai modui plans, ancje se i sfueis tecnics dal produtôr Solyndra a certifichin la potence nominâl cun riferiment propit a cheste norme. In chest studi e ven ilustrade la metodologjie seguide par misurâ lis components de lûs direte, rifletude e difondude su la superficie cilindriche di un element FV, e e ven justificade la ipotesi, provade in vie sperimentâl, che la verifiche tecniche funzionâl e à sucès se la intensitât di radiazion globâl misurade sul plan e ven ri- dusude di une cierte cuantitât percentuâl. Chestis verifichis a son stadis fatis in colaborazion cun Hessiana srl, dite proprietarie dal implant FV a cilindris su la cuvierture di un capanon industriâl intal Friûl di mieç.