Modelistiche numeriche pe valutazion e gjestion de cualitât dal aiar

Ristret

La cualitât dal aiar, al dì di vuê, e je une des plui gruessis cuestions ambientâls sei par vie dai siei efiets su la salût umane sei par vie dal so impat sul clime globâl. La filosofie par fâi cuintri a chest probleme e je chê che e ven clamade “pense globâl ma fâs tal locâl”, stant che in chescj agns al è vignût fûr in maniere clare che une vore di emissions diretis e indiretis a son leadis a ativitâts locâls, come i traspuarts e la gjestion des cjasis. Chest scjamâ di scjalis al prodûs fuartis limitazions ai struments pe gjestion dal teritori, che a devin tal stes timp jessi bogns di sei doprâts su scjale continentâl ma ancje puartâ indenant misuris che a rivin a produsi i efiets desiderâts a nivel locâl. Un valit jutori par cheste vore intrigose al è rapresentât de modelistiche numeriche. In fats, doprant situazions numerichis al è pussibil provâ in silico i efiets des misuris pussibilis par pesâ i lôr coscj e beneficis cussì come lis lôr magagnis. In plui che pes valutazions, i modei numerics a puedin sei un strument fondamentâl par cognossi prime dal timp i events che a puedin deventâ un pericul, judant a meti in cjamp daurman lis azions di doprâ tal curt par ridusi il riscjo.