Frakeki. Alfabetizazion in furlan te preadolessence

Ristret

Tes scuelis dal Friûl si va slargjant planc a planc l’insegnament de lenghe furlane, idiome minoritari autocton di cheste regjon d’Europe. Chest contribût al presente une esperience scolastiche realizade cun finalitâts di ricercje educative e linguistiche e smirade a insegnâ a scrivi in lenghe furlane a fruts de scuele secondarie di prin grât doprant il blog come contest par disvilupâ competencis linguistichis-comunicativis e in particolâr grafemichis e testuâls. La vore fate cui fruts di sîs scuelis e palese che la adozion di tecnologjiis de comunicazion pal insegnament de lenghe minoritarie e rinfuarce l’ategjament positîf tai siei confronts e e zuie une part impuartante pai obietîfs de educazion linguistiche. Lis produzions scritis a furnissin spiis significativis de morfosintassi dal furlan doprât dai preadolessents furlanofons e a contin des strategjiis dopradis dai fruts par imparâ a scrivi par furlan e dai pas fats in chest percors di alfabetizazion sucessive.