Lis fumonisinis: intosseants naturâi de blave in Friûl

Ristret

I foncs filamentôs a produsin un grant numar di metabolitis secondariis une vore diviers te lôr struture chimiche. Chei formâts in associazion cu la mangjative dal om e dai nemâi, e che a causin problemis di salût, a son cognossûts come micotossinis. Cheste note e trate part dal lavôr puartât indenant sul intosseament de blave in Friûl par cause da lis micotossinis dai foncs dal gjenar Fusarium. Sul cont da lis fumonisinis, e je stade confermade la presince, ancje in regjon, dai classics produtôrs (Fusarium moniliforme e F. proliferatum). Lis condizions climatichis e il guvier agrari in Friûl a favorissin la contaminazion de blave par opare da lis fumonisinis. Partant e je plui che clare la dibisugne di proceduris rapidis e finis par podê controlâ il progrès dal intosseament sedi in timp di coltivazion sedi di conservazion. Metodis molecolârs di identificazion des culturis di Fusarium, cjapadis su in puescj diviers in Friûl, a àn dât risultâts positîfs. Par ultin al ven proponût un sisteme model rapit par il ricognossiment dai contaminants des blavis intal cjamp e intal magazen.